ЕКОЛОГИЈА Избор Охрид ТОП ВЕСТИ

Промоција на проектот преку кој е поставен првиот сензор за следење на еколошките параметри на воздухот во Охрид

Охрид, 30. септември 2019 (ОХРИДПРЕС) – Утре, во рамки на „Европскиот ден на соработка“ официјално ќе биде промовиран проектот „Ефикасно користење на новите технологии за чист атмосферски воздух– AIRTHINGS“, кој е дел од Програмата „Интерег Балкан-Медитеран“ на Европската Унија.

Во рамки на овој проект кон средината на месецов пред зградата на Општина Охрид беше поставен првиот сензор за следење на еколошките параметри на воздухот.

Проектот предвидува поставувањето на 11 сензори на различни локации на јавни институции за следење на еколошки параметри на подречјето на општина Охрид, како и поставување/инсталирање на 15 филтри за домаќинства кои користат цврст енергенс за затоплување на своите домови.

За имплементација на техничкиот дел од предвидените активности, кои се дел од овој проект, задолжени се Државниот Инспекторат за животна средина и Министерството за животна средина и просторно планирање, а Одделението за заштита и влијание врз животната средина при општина Охрид, е задолжено за изборот на домаќинства кај кои ќе бидат инсталирани филтрите.

Проектот ќе ги искористи новите технологии преку т.н интелигентни сензори за мерење на квалитетот на воздухот, обезбедувајќи нови, податоци во реално време преку мрежа за формирање на интернет поврзани градови за следење на квалитетот на воздухот. Проектот ефикасно ќе го адресира загадувањето на воздухот и ќе им овозможи носење на правовремени одлуки на јавните власти, граѓаните и бизнис заедницата. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави