Избор Локална самоуправа Охрид ТОП ВЕСТИ

Општина Охрид со реакција по обвинувањата дека децата во Охрид се заборавени од СДСМ и градоначалникот Георгиески

Охрид, 9. октомври 2019 (ОХРИДПРЕС) – Општина Охрид денес излезе со реакција по обвинувањата на ОО на УМС на ВМРО-ДПМНЕ од Охрид дека децата во Охрид се заборавени од СДСМ и градоначалникот Георгиески.

Со ширењето на Вашите лажни обвинувања ни давате можност да ја запознаеме целата јавност, каде се реконструирани детски игралишта на територијата на општина Охрид, реагираат од охридската локална самоуправа.

Image may contain: outdoor

Image may contain: basketball court and outdoor

– Ние работиме посветено и не се фалиме со соопштенија за извршените реконструкции и санации бидејќи тоа е обврска на секоја одговорна власт и секое одговорно раководство. Во текот на 2019 година извршени се санации и реконструкции на детски игралишта во населбите: „Воска“, „Даљан“, „Гоце Делчев“ и „Христо Узунов“, во селото Пештани, на улицата „Јане Сандански“, кај мостот „Студенчишта“, на пешачката патека кон „Парк“, како и на детското игралиште во Градскиот парк и ОУ „Григор Прличев“. За санирање и реконструкција на детските игралишта беа ангажирани вработени од Јавните претпријатија и беа потрошени вкупно 290.000 денари. Исто така извршена е санација на спортските игралишта во селата Долно и Горно Лакочереј за што беа потрошени 618.131 денари. Вкупно 998.186 денари беа вложени за изградба на нови детски игралишта во селата Велгошти и Подмоље и за повеќенаменското игралиште на улицата „Коста Абраш“, во населбата „Варош“. Воедно сакаме да Ве информираме дека овој месец заврши изградбата и санацијата на детското игралиште во дворот на училиштето во село Лескоец, а во тек се планирања за санација и изградба и на други детски игралишта. Јавно Ве замолуваме, наместо да се насочувате во манипулирање на јавноста, треба вистински да бидете посветени на младинските политики и треба да започнете да преземате активности за едуцирање на најмладите во насока на зачувување на јавните добра. Вашата младинска енергија, наместо за организирање и одржување на прес-конференции и ширење на дезинформации, треба да ја насочите во организирање на креативни активности поврзани со детските и спортските игралишта. Секој од нас, со работа и со конкретни дела треба да покаже и докаже дека се грижи за јавните добра , кои се од корист за сите жители на територијата на Општина Охрид. Фотографиите кои ги испраќаме во прилог докажуваат кој работи, а кој ја манипулира јавноста, реагираат од општина Охрид. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави