ЕКОЛОГИЈА ИЗБОР НА УРЕДНИКОТ Охрид ТОП ВЕСТИ

Адеми: Ја зајакнуваме нашата вклученост во УНЕСКО

Скопје/Охрид, 16. ноември 2019 (ОХРИДПРЕС) – Македонија се враќа на меѓународната сцена, со зајакнато учество и активности во меѓународните тела, вклучувајќи го и УНЕСКО, истакна денеска министерот Едмонд Адеми.

– Од 2017 година земјата се стреми да има активна улога во севкупните процеси во Огранизацијата, како дел од нашата насоченост кон функционална мултилатерална соработка, рекол министерот задолжен за дијаспора и претседател на Националната комисија за УНЕСКО, Адеми на обраќањето на 40. Генерална конференција на УНЕСКО.

Од владината прес-служба соопштија дека во својот говор, Адеми уште еднаш ја потврдил посветеноста на нашата земја кон вредностите и одлучувачката универзална улога на УНЕСКО во културата, образованието, науката и комуникациите.

– Ја зајакнуваме нашата вклученост, во многу од овие области, како алатка за постигнување мир и одржлив развој, истакна тој.

Нема информации за „зајакнатата вклученост“ за решавањето на проблемот со дивоградбите во Охрид, кој е под заштита на УНЕСКО и под закана дека ќе ја изгуби заштитата поради ескалација на овој проблем во последниве години. (Крај)

извор: денешен.мк фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука

Слични објави