Охрид, 29. октомври 2024 (ОХРИДПРЕС) – Култниот британски бенд The Cure го објави „A Fragile Thing“, вториот сингл од нивниот долгоочекуван албум „Songs Of A Lost World“, нивно прво издание по 16 години.

Последниот албум на бендот во 2008 година, „4:13 Dream“ се искачи на 16-то место на 200-те албуми на Billboard, а песната „Alone“, која го најави претстојниот албум, беше објавена неодамна.

– „A Fragile Thing“ е водена од вознемиреноста со која се соочуваме кога избираме помеѓу потребите кои меѓусебно се исклучуваат и како се справуваме со залудното жалење по донесувањето на одлуката, без разлика колку сме сигурни дека одлуката е вистинската… Тешко е да бидеме личноста што навистина треба да бидеме, изјави Robert Smith за новиот сингл.

Групата The Cure е формирана во 1978 година и моментално има над 30 милиони продадени албуми ширум светот и се членови на најголемата рок институција – Rock and Roll Hall of Fame од 2019 година. Важат за еден од највлијателните британски бендови на сите времиња.

Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)

извор: ОхридПрес фото: архива