Охрид, 9. март 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 09.03.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.

инфо: 09.03.2017 година

– Граѓанската иницијатива Охрид SOS објави дека градежниот инспекторат бара да се поништи незаконското одобрение за градба на хотел во Лагадин

– Општина Охрид реагира за случајот Лагадин, додавајќи дека е почитувана законски пропишаната процедура за издаденото одобрение за градба на хотелски комплекс

– Повторно зголемување на бројот на издадени одобренија за градба во Охрид, минатиот месец издадени вкупно 9

– Најавено учеството на младите играорци од КУД „Ѓердан“ на меѓународен настан на 21 март во Истанбул и на 22. април на Фолклорен фестивал во Австрија

– Од денес започнува студентскиот филмски фестивал „Филмоција“ на Филмската академија во Охрид