ЕКОЛОГИЈА ИЗБОР НА УРЕДНИКОТ Охрид ТОП ВЕСТИ

Клубот за подводни дејности „Охрид“ спроведе нова ЕКО акција за чистење на езерото кај Трпејца (Видео)

Охрид, 29. септември 2022 (ОХРИДПРЕС) – Клубот за подводни дејности „Охрид“ спроведе нова ЕКО акција за чистење на дното на Охридското Езеро од цврст отпад.

Акцијата се спроведе кај селото Трпејца, а од езерото беа извадени повеќе предмети за домаќинство, гуми од возила, шпорет, пластични предмети, лименки и останато ѓубре, кое неодговорни поединци го фрлаат во езерото.

Ова е само продолжување на ваквите акции на клубот за подводни активности „Охрид“. Неодамна членовите на овој исклучително активен клуб спроведоа акција за чистење на Охридското Езеро од цврст отпад на потегот пред селото Трпејца и околните плажи во која учествуваа 15 нуркачи. (Крај)

извор: ОхридПрес фото/видео: Клуб за подводни дејности „Охрид“

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука