Почина Леонора Чекреџи, Гласот на Охрид

Охрид, 31. јули 2023 (ОХРИДПРЕС) – Денеска во Охрид, на 85-годишна возраст, почина Гласот на Охрид, легендарната спикерка и радио водителка Леонора Чекреџи.

Таа беше најпрепознатливиот глас во Охрид, кој му даваше боја и убавина на радиото.

– Има нешто посебно во магијата на радиото, во можноста да раскажеш приказна, да пренесеш емоција, да создадеш нов свет и да допреш до луѓето само преку звук, кажа во последното интервју кое го даде за Супер радио и OhridPress во мај минатата година.

Важеше за исклучителен професионалец, борец за чистиот македонски јазик и неговата употреба, особено во медиумите.

Медиумската заедница во Охрид изгуби еден од своите најсилни столбови.

Од комплетната редакција на Супер радио и OhridPress испраќаме најискрено сочуство до семејството и најблиските.

Погребот ќе се одржи утре, на Градските гробишта во Охрид, од 13:30 часот. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука