Шест охридски боксери во сабота ќе настапат во Тетово на 4. коло од Првата и младинска лига

Охрид, 20. јуни 2024 (ОХРИДПРЕС) – Во организација на Боксерскиот клуб „Шкендија НО-ЛИМИТ“, во сабота, на 22-ри јуни 2024 година, во СОУГ „Кирил Пејчиновиќ“ во Тетово, со почеток во 14:00 часот, ќе се одржи 4. коло од Првата и младинска лига.

Боите на Охрид ќе ги бранат Наум Стојаноски, Христијан Стојаноски, Петар Трајчески, Димитар Ѓорески, Енис Алиу и Михаил Аврамоски од Боксерскиот клуб „Алексо Огненовски“ од Охрид.

Охридските боксери се’ поуспешни и редовно од сите натпревари се враќаат со одличја и забележителни резултати. Енис Алиу минатиот викенд се врати со вредна победа од Меѓународниот боксерски турнир „Мирослав Петровиќ“, што се одржа во Куманово. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука