Со два хеликоптери утрово се гаси пожарот кај селото Опеница (Фото/Видео)

Охрид, 4. август 2024 (ОХРИДПРЕС) – Пожарот кај охридското село Опеница утрово се гаси од воздух, со помош на два хеликоптери.

Со тоа продолжуваат напорите да го санираат пожарот кој е активен веќе четврти ден во близина на селата Косел, Опеница, Вапила, Куратица и Расино.

Екипата на OhridPress утрово ги сними леталата како постојано полнат вода од Охридското Езеро и ги гасат потешко пристапните предели.

Вчера беше вклучена и тешка механизација чија задача беше да направат појас за спречување на понатамошно ширење на пожарот.

– Поголемиот дел од теренот е веќе обезбеден, а останува уште помал дел каде се работи во моментов и се прават засеци директно низ огнот. Екипите ќе работат на терен се’ додека не се обезбедат сите локации, информираше вчера градоначалникот на Охрид, д-р Кирил Пецаков. (Крај)

извор: ОхридПрес фото/видео: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука