Продуцентот Јовица Каралиевски го најави новиот хит на Владо Броз и Марама за Охрид Фест – по „Галеб охридски“ доаѓа „На тебе сум осуден“

Охрид, 20. август 2024 (ОХРИДПРЕС) – Откако го најавија па го промовираа претходниот сингл „Галеб охридски“ во „Форт Кафе“, познатиот продуцент, композитор и текстописец Јовица Каралиевски ја најави новата соработка со Владо Броз и Марама.

– На 30-ти и 31-ви август, овие охридски ѕвезди ќе настапат на фестивалот Охрид Фест – Трубадури со песни од мојата музичка работилница. На поп вечерта Владимир Сарафилоски Броз и Марама со „На тебе сум осуден“ – моја комплетна композиција и на фолк вечерта Емилија Маринова со „Чувам слики, спомени“ на текст на Огнен Неделковски, музика Григор Копров и мој аранжман и продукција. Така да од „Форт Кафе“, за некој ден одиме на фестивал, открива Каралиевски.

Владо Броз и Марама се едни „двајца“ за кои Каралиевски подготви два нови летни хита, кои важат за една од најпознатите и најпопуларните музички атракции во Охрид, но и многу пошироко периодов наназад.

Следна станица каде охриѓани и гостите ќе можат да ги слушнат е токму „Форт Кафе“ во недела, на 25-ти август, кога заедно со Емилија Маринова ќе имаме уште една мерак вечер, овој пат со нежните звуци на музиката на Тереза Кесовија и неповторливата Дорис Драговиќ. (Крај)

извор: ОхридПрес фото: George Piruze

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука