„Охрид во 10“ – 4. февруари 2017

Охрид, 4. февруари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 04.02.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 04.02.2017 година

– Во манастирот„Св. Климент и Пантелејмон“ на Плаошник, се служеше Света архиерејска литургија по повод празникот Св.ап. Тимотеј (именден на Митрополит Тимотеј).

–  Нивото на Охридското Езеро е за 3 сантиметри под дозволената минимална кота, информира Управата за хидрометеоролошки работи.

– Дел од летовите на скопскиот аеродром се пренасочија на охридскиот аеродром „Свети Апостол Павле“.

– Охридска банка Сосиете Женерал нуди понуда „План за стан“ со фиксна и гарантирана каматна стапка до 2030 година.

–  Вработен во ЈП „Охридски комуналец“ при сеча на дрва повредил малолетник, кој кампувал во близина на Буково.

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука