Охрид, 08. април 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 08.04.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 08.04.2017 година

– Вечерва ќе се емитува снимката од полуфиналето на Ohrid SUPERSTAR на О2 телевизија

– Се одржа ново издание на „Ги плаќаме Вашите сметки“ на Супер радио и О2 телевизија

– Партиите се подготвуваат за локални избори, но ја чекаат и собраниската разврска

– Православните верници ја празнуваат Лазарева сабота; Воскреснувањето на Лазар претставува предвесник на Христовото воскресенување

– Младите од Црвен крст Охрид најавуваат хуманитарен настан за помош на дете од  социјално загрозено семејство

– За најмладите беа организирани традиционалните спортски игри „Живеј здраво- Живеј безбедно“

– Стартап работилница се одржува денес во Охрид со претставник од TechCrunch од САД

– Според државната статистика, зголемени трошоците за живот во март годинава