Охрид, 21. август 2019 (ОХРИДПРЕС) – Од Нуркачкиот центар „Акватек“ дел по дел го вадат „комплетното WC“, кое „најдобрите“ меѓу нас го фрлиле во водите на Охридското Езеро.
Последно беше извадено казанчето од WC-то, кое само го комплетира нашиот колективен срам и негрижа за езерото.
– На неколку метри од брегот, помеѓу плажата Срјшче и Мостот на Желбите на длабочина од 2 метри лоцирано е казанче од тоалетна опрема. Сигурно кога дувнало јак југ го повлекло од некој тоалет, напиша Никола Паскали од Нуркачкиот Центар „Акватек“.
Супер радио и OhridPress предлагаат да се зачуваат сите овие „експонати“, па да се склопи WC-то на Градскиот плоштад, да биде за УМ на сите.
Претходно од езерото беше изваден бојлер, плочки, када и скоро се’ што е потребно за едно WC. (Крај)
извор: ОхридПрес фото: Акватек
