Охрид, 11. август 2017 (ОХРИДПРЕС) – OhridPress го спроведува проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 11. август 2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress

инфо: 11.08.2017 година

– Сончево и многу топло во Охрид, температурата ќе се искачи до 36. степени

– Владата назначи нови директори на НП „Галичица“ и охридскиот затвор

– Собирна акција „Даруваме радост на првачињата“

– Извидничкиот одред Laroute de Limal од Белгија со „Аларм за Охрид“ (Видео)

– Мртов маж пронајден во куќа во Охрид

– Помал пожар кај пешачката патека, се запали дел пред трската во близина на Cuba Libre (Фото)

– СКУП: Општина Охрид за репрезентација од 2013 до 2016-та година потрошила над 9.8 милиони денари