Охрид, 16. февруари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 16.02.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 16.02.2017 година

– Заинтересираните лица кои сакаат да бидат дел од големото талент шоу Ohrid SUPERSTAR, имаат уште точно две недели да се пријавуваат.

– Објавен е повик за регистрација за физички лица од Охрид кои вршат превоз со пловни објекти.

– Министерството за внатрешни работи ги информира сите граѓани од републикава, дека согласно одредбите од Законот за оружјето,  рокот за замена на дозволите за поседување и носење на оружје  истекува на 12-ти април.

– Филмската академија Охрид вечерва ќе го прикажува иранскиот филм „Fish & Cat”.

– Извршена тешка кражба во манастирот „Св.Врачи“ во охридското село Опеница.

– Албански државјанин кај кого е пронајдена дрога, е приведен во охридскиот затвор.

– Охридските атлетичари Мироска и Мирчевски се натпреваруваат на  Меѓународен митинг во Истанбул.