Охрид, 21. февруари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 21.02.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 21.02.2017 година

– Постара жена била убиена при обид за грабеж во нејзиниот дом на улицата „Галичица“ во Охрид.

– Здружението на туристички водичи и придружници „Кеј“ дискутираше за актуелните проблеми во туристичката дејност.

– Во рамките на Erasmus + програмата за високо образование, на факултетот за Туризам и угостителство Охрид деновиве предавања ќе одржат  професори од соседна Албанија.

– По повод Светскиот ден на туристички водичи, беше промовиран веб дигитален регистар на активни и квалификувани туристички водичи од цела  Македонија.

– Млади инфо, во партнерство со Шпаркасе Банка Македонија, Пакомак и Фондот за иновации и технолошки развој, преку конкурсот за Наградата за социјално претприемништво- Social Impact Award 2017 ќе прибавува бизнис идеи од Охрид.

– Во Кинотеката на Македонија премиерно прикажан видео-омажот за охридскиот романсиер и драмски писател Живко Чинго.