Охрид, 24. февруари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 24.02.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 24.02.2017 година

– Во Охрид денес преовладуваше сончево време со температура до 14 степени.

– Уште пет дена за пријавување на првото локално Талент шоу за реагионот на Охрид и Струга – Ohrid SUPERSTAR, пријавувањето тече во најдобар ред.

– Охрид се промовира на два саеми – активниот туризам од Охрид, на саемот „Ис(в)куси ја Македонија“ во Скопје и туристичките потенцијали на Охрид на саем за туризам во Белград.

– Охриѓани два дена се дружат со „Винчини“ и тимот на Супер радио во „Тамаро 7 маркетот“.

– Охриѓанката Мартина Мироска се подготвува за натпреварување на  Балканско првенство во сала за сениори во Белград.

– Охридската полиција поднесе кривична пријава  против две лица од охридското село Велгошти  – П.Ш. и И.Б., за бесправна сеча и кражба на огревно дрво.

– Најавен настан „Агрономијада“ кој ќе се одржи од 25-ти до 29-ти април во Охрид.