Охрид, 12. февруари 2023 (ОХРИДПРЕС) – По првото од пред околу еден месец и второто од неодамна, охриѓанецот Љупчо Стојкоски- Лепи, на неговиот профил на Facebook објави уште едно ретко видео од забава во култната дискотека – Диско „Палас“ во Охрид, кој според датумот на видеото се одржал на 12-ти ноември 1992 година.

– Ноќниот живот во Охрид пред 30 години. Забава со жива свирка на некои музички групи од тој период во Охрид, модна ревија и Stand-up комедија, коментира Лепи на неговата објава.

Многумина ќе се пронајдат во видеото, кое е снимено пред повеќе од 30 години и е редок и прекрасен доказ на едно убаво време.

Диско „Палас“ и подоцна „Парадизо“ се едни од најзначајните места во ноќниот живот во Охрид низ годините и се лоцирани во центарот на градот во склоп на некогашниот хотел „Палас“. (Крај)

извор: ОхридПрес фото/видео: Љупчо Стојкоски- Лепи