Охрид, 26. март 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 26.03.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 26.03.2017 година

– Избрани 11 кандидати од втората елиминациона аудиција на Талент шоуто Ohrid SUPERSTAR

– Хотелиерите од Охрид и Струга потврдуваат дека има голем интерес кај туристите за посета за Велигденските празници

– Спортските риболовци од Здружението на рекреативни риболовци „Свети Апостол Петар“ од Охрид бараат одговорност за уништувањето на охридската пастрмка

– Објавен тендерот за избор на проектантска куќа за изготвување на  проект за реконструкција, адаптација, надградба и доградба на Центарот за култура „Глигор Прличев“ во Охрид