Охрид, 19. август 2017 (ОХРИДПРЕС) – OhridPress го спроведува проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 19. август 2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress

инфо: 19.08.2017 година

– Во Охрид денес сончево и топло со температура до 34. степени

– Денеска е Преображение Христово

– Учениците се враќаат во школските клупи на 4-ти септември

– Точно напладне стартува 31-от Охридски пливачки маратон

– Осма Школа за млади лидери на претседателот Иванов во Охрид

– Александар Студински и Барбара Позобон победници на Охридскиот пливачки маратон

– Копров: „Охрид фест“ ги поддржува младите таленти, драго ми е што Андреа и Емилија од OhridSUPERSTAR ќе бидат дел од него