Охрид, 25. јануари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 25.01.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 25.01.2017 година

– Во прекин сообраќајот на патниот правец Битола – Ресен.

– Привремено е запрена  авиолинијата Охрид-Лондон, Лутон, нови летови од март годинава.

– Супер радио и охридските „Тамаро“ маркети ќе го организираат талент шоуто Ohrid Superstar.

– Започна со работа Queen`s Espresso Bar кој ќе работи во склоп на новиот ТЦ на КАМ во поранешен „Отекс“.

– МЈП „Проаква“ ги информира граѓаните дека ќе се врши  исклучување на канализациони мрежи кои се диви приклучоци.

– Златната маска и ракавица од Охрид дел од Водичот на Археолошкиот музеј на Македонија