Охрид, 27. март 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 27.03.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)
инфо: 27.03.2017 година
– Во продажба билетите за полуфиналето на Ohrid SUPERSTAR
– Поради прекин на оптички кабел не се достапни услугите на Македонски Телеком во Охрид и Ресен
– Пациентите од Охрид кои се моментално на инсулинска терапија, немаат никакви проблеми со набавката, додека Здружението на дијабетичари од Охрид бара стандардот кој е постигнат со лечењето на дијабетичарите да не се намалува
– Нивото на Охридско Езеро е девет сантиметри над дозволениот минимум, соопшти Хидролошкото одделение на Управата за хидрометеоролошки работи
– Членови на Здружението за велосипедизам, планинарење и еко-култура „Зш Авантура“ одржаа велосипедска тура и беа во еко-патрола во струшко
– Хотели „Метропол“ со добивка од 12 милиони денари ја завршија 2016 година, покажува Годишниот биланс на успех на Македонската берза
– Жител на Неготино измамил охриѓани за работа во Германија
– Стружанец ѝ се заканувал на девојка од Охрид
– Кривична пријава за охриѓанка која во Прилеп купувала со фалсификувани пари
– Царинска испостава Струга открила увозник од Охрид кој одбегнал плаќање на увозни давачки
– Актерите Стрезо Стаматовски и Никола Тодороски ќе ги презентираат македонската и светската порака по повод 27-март, Светскиот ден на театарот
– Распишан конкурсот за учество на фестивалот „Охрид фест-Охридски трубадури”
