Охрид, 6. март 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 06.03.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.

инфо: 06.03.2017 година

– Не се распишани локални избори, истекува мандатот за функционорање на општините

– Непознати сторители го оштетиле возилото во сопственост на судијката Билјана Белеска Пројкоска, вработена во охридскиот Основен суд

– Заврши втората сесија од хемотерапијата  на малиот Кирил

– Продолжуваат собирите на граѓаните на иницијативата „За заедничка Македонија“

– Охриѓанецот  Љупчо Стојкоски Лепи сними подводно видео – „Гладниот крап“