Охрид, 8. март 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 08.03.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.
инфо: 08.03.2017 година
– Управниот одбор на Здружението на судиите на Република Македонија го осуди чинот на оштетување на приватно возило на судијката во Основиот суд во Охрид
– Охрид SOS: Градежниот инспекторат бара да се поништи незаконското одобрение за градба на хотел во Лагадин
– ОО на СДСМ Охрид со реакција дека средношколците преку летоци се повикуваат на протести и побараа заштита на учениците од партиски злоупотреби
– ОК на ВМРО – ДПМНЕ од Охрид велат дека учеството на собирите на граѓаните е без политичка позадина
– ОСУ „Св. Климент Охридски“: Целосно сме посветени кон заштита на учениците од сите злоупотреби, а посебно од партиски
– Закажана 69-та Седница на Советот на Општина Охрид
– Охридскиот универзитет „Свети Апостол Павле“ од Охрид потпиша Меморандум за соработка со „Ангел Канчев“ од Русе
– Нова и модерна веб платформа за електронско банкарство за правни лица од Охридска банка Сосиете Женерал
– Одбележан 8-ми Март, Денот на жената, исполнети угостителските капацитети за прослава
– Во Извидничкиот центар во Охрид заврши извидничката Школа за ориентација
– Охридската полиција поднесе неколку кривични пријави; со пријава се стекна охриѓанецот кој купувал во маркети со фалсификувани пари; пријава и за девојката која со својот пријател го ограбила дедо ѝ
