Охрид, 11. март 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 11.03.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.

инфо: 11.03.2017 година

– Првата аудиција на Талент шоуто Ohrid SUPERSTAR, во организација на Супер радио, ќе се емитува вечерва во живо на О2 телевизија

– Доделени две награди на верни купувачи во „Тамаро маркетите“ преку емисијата „Ги плаќаме Вашите сметки“ на Супер радио и О2 телевизија

– Најавена инвестиција од 5,5 милиони евра  за специјалната болница за ортопедија и трауматологија „Св.Еразмо“

– Татјана Узуноска Тренеска, уметнички директор на Културно – уметничкото друштво „Ѓердан“ од Охрид, во интервју за Супер радио и OhridPress ги најави идните активности на друштвото

– Државната компанија ЕЛЕМ од средината на март потврди дека ќе има увоз на струја