Охрид, 9. мај 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 09.05.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress

инфо: 09.05.2017 година

– Во рамките на одбележувањето на Неделата на Црвениот крст, во просториите на Факултетот за туризам и угостителство Охрид, се организираше крводарителска акција

– Основното училиште „Ванчо Николески” од Лескоец и годинава традиционално со еднонеделни активности ќе го одбележи својот патрон празник

– Сојузот на борците со повеќе активности одбележа 72 години од Денот на победата над фашизмот

– Поради финансиски средства неизвесно е учеството на охридските стрелачи на претстојните меѓународни натпревари

– Битолчанка, вработена во охридската подружница на Македонски шуми фалсификувала деловни книги