Охрид, 11. мај 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 11.05.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress
инфо: 11. 05.2017 година
– Претседателот на Европскиот огранок на Светското друштво на научници за блатни екосистеми ќе дојде во посета на Охрид и Скопје
– „Отекс“ АД Охрид најголем должник на УЈП според најновата листа
– Охрид е вклучен во проектот на УСАИД – „Партнерство за подобра бизнис регулатива“
– Сојузот на акцијаши и волонтери ќе организира меѓународен волонтерски камп „Охрид 2017“
– Во пресрет на втората полуфинална вечер на Евровизија, музичарите Ѓоко Танески и Дамјан Пејчиноски велат дека годинава Македонија на Евровизија има одлична песна
– Државната статистика информира за намалување на бројот на издадени одобренија за градба во Охрид, во март годинава биле издадени 4
– Ангела Маркоска, учесник на Ohrid SUPERSTAR, во интервју за Супер радио вели дека во иднина се гледа на филмското платно
– При крај е снимањето на филмот „Дедо и внук” на охридскиот режисер Илија Пиперкоски
– Поезија на Славе Ѓорго Димоски презентирана во Софија
– Македонија очекува да го добие Европското Првенство во ИАИДО 2019 во Охрид
– Линијата на еколошки производи за чистење од брендот Green bsn достапни и во Охрид
– Се одигра турнирот во баскет за основните училишта во организација на Сојузот на училишни спортови
