Охрид, 16. мај 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 16.05.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress
инфо: 16. 05.2017 година
– Анкета на АВМУ: Супер радио и во периодот јануари-април 2017 година останува на врвот!!!
– Локални избори во октомври
– Во Охрид во тек е Годишна средба на ИПА 2 Механизмот за граѓански организации
– Во Скопје се дискутира за биодиверзитетот во охридско – преспанскиот регион
– Овошките во охридскиот регион уништени до 90%, надежта останува во градинарските култури
– Независниот синдикат на полицијата одржа состанок во Охрид
– Ученици од средното училиште „Св. Наум Охридски“ постигнаа значаен успех на натпреварот „Балкан Јуниор“
– За време на сезоната во Охрид ќе има забрана за влегување на туристички автобуси во центарот на градот
– Ќе се регрутираат нови спасители на отворени води
– Полицијата ќе се грижи за среќни и безбедни матурски вечери
– За парадата матурантите ќе носат сини и жолти маички
– „Охриде не бери гајле“ на Супер радио денес прославува 12 години
– Во најава 12-ти „Баскерфест“ низ македонските градови
– Клубот ХВА РАНГ ИТФ Лескоец-Охрид ќе учествува на меѓународниот таеквондо турнир „15 Љубљана Опен 2017″
