Охрид, 04. април 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 04.04.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)
инфо: 04.04.2017 година
– Пуштени се во продажба билетите за финалето на Ohrid SUPERSTAR
ЦЕА: Граѓанските организации во Југозападниот регион не партиципираат во развојните програми на локалната самоуправа
– Нивото на Охридското Езеро е 18 сантиметри над дозволениот минимум
– Според еколозите и активистите за животна средина, одложувањето и депонирањето на кабаст отпад е најголемиот проблем за околината, најавена акција за подигнување на ваков отпад во селата Елшани и Коњско
– Кучињата скитници и понатаму предизвикуваат немир кај граѓаните, во повеќе наврати забележани во групи во различни населби
– Босанската режисерка Мирјана Момировиќ во дел од серијалот „На трпеза кај…“ ја спомнува традиционалната храна во Охрид
– Охридските основни училишта вклучени во акцијата на „Елколект“ за собирање отпадни батерии
– Дизелот поевтинува 1,5 денар, бензините со иста цена
– Охридската актерка Сара Климоска дел од актерската екипа на новиот краткометражен филм „Види ја ти неа“
– Двајца охридски бармени постигнаа значаен успех на 10-то Државно првенство на бармени
