Охрид, 19. јануари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 19.01.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 19.01.2017 година

– Петар Рупески по 4-ти пат го фати крстот во осветените води во Охрид

– Годинава по 6-ти пат имаше групно крштевање на православните верници на Сараиште, каде се покристија 12 граѓани

– Охрид исполнет со верници и претежно домашни туристи, кои го проследија Богојавленскиот чин

– Охридските „Тамаро“ маркети и Супер радио денес организираа хуманитарна акција за помош на Трајан Целески-Тачо

– Вечерва охридска премиера на драматизацијата на „Дениција“ од Петре М. Андреевски

– Четкар на Џава Џез Фестивалот ќе настапува заедно со познати музички имиња: Чик Кореа, Инкогнито, Сандовал…

– Охриѓанецот Бобан Павловски го фати крстот во водите на Вардар во Скопје

– Сообраќајка кај Рача, повредено едно лице