Охрид, 17. март 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 17.03.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.

инфо: 17.03.2017 година

– Група граѓани утре од Лагадин започнуваат со акција за чистење на крајбрежјето на езерото

– Министерство за локална самоуправа вели дека градоначалниците остануваат на своите функции до 15 мај

– Црвен крст Охрид додели признанија на најзаслужните крводарители

– Во пресрет на 20-ти март, Светскиот ден на денталното здравје, стоматолог д-р Беби Ласовски вели дека денталното здравје кај охриѓани се подобрува, но сè уште нема навика за редовни контроли

– Охридскиот metal – core бенд Hardfaced, вечерва ќе одржи концерт за своите сограѓани