Охрид, 1. септември 2017 (ОХРИДПРЕС) – OhridPress го спроведува проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 1. септември 2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.

инфо: 01.09.2017 година

– Во Охрид денес сончево и топло време со температура до 30. степени

– Послаб земјотрес кај Ресен, почувствуван и во Охрид

– Верниците од муслиманската веросиповед го слават Курбан Бајрам

– Денес „Cirque d’Ohrid“ – еко перформанс за кревање на еколошката свест

– „З’ш Авантура“ го освои Триглав (фото)

– Советниците ќе гласаат дали да има референдум за доселување на бегалци

– АД „Галеб“: Истечени се договорите, од понеделник нема бесплатен превоз за учениците

– Утре во Скребатно ќе се избира највкусното ѓомлезе

– Кривична за охриѓанец поради „предизвикување општа опасност“

– Древната кинеска дисциплина Фалун Дафа во Охрид

– Охрид меѓу општините со блокирани сметки, локалните избори ќе ги плаќа државата