Охрид, 17. септември 2017 (ОХРИДПРЕС) – OhridPress го спроведува проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 17. септември 2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress.

инфо: 17.09.2017 година

– Во Охрид сончево и топло време со температура до 30. степени

– Ноќеска сообраќајка кај Кружниот тек до Општа болница

– Во вторник продолжува главната расправа во повторениот судски процес за убиството на Димитар Матилоски

– Едрилица ли е, Инфо центар ли е? – Објектот кај поштата беше од „огромна полза“ за туристите ова лето

– Сообраќајка кај Српци, загина едно лице од Охрид, повредени три лица

– ВМРО-ДПМНЕ ја објави кандидатската листа на советници за Охрид

– Истражување на Макфакс: Од Општина Охрид со години нелегално издавале одобренија за градење (прв дел)!