Охрид, 2. јуни 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 02.06.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress

инфо: 02. 06.2017 година

– Предпладне сончево и топло, вечерва нестабилно со локален пороен дожд и грмежи

– Локалните избори ќе се одржат на 15-ти октомври

– Измени во времениот сообраќаен режим на делницата Пресека-Песочани

– Со претставата „Багаж“ отворено новото издание на „Вдиши театар“

– Свети литургии по повод празникот Духовден

– Акција за подводно чистење на Охридското Езеро

– Се` е подготвено за првиот „Охрид трчаТ“ викенд

– Од „Брег на младоста“ засадија нови дрвца на местото на украдените од Спомен паркот на НОВ

– Празникот Св. Талалеј одбележан во селото Куратица (Фото)