Охрид, 29. мај 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 29.05.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress

инфо: 29. 05.2017 година

– УХМР информира дека нивото на Охридското Езеро е под просекот за мај

– Светските туристички патници препорачуваат да се посети Охрид

– Украдени садници од Спомен паркот на револуцијата

– Анита Мицова во интервју за Супер радио вели: Ohrid SUPERSTAR ни покажа дека во нашиов крај има многу таленти

– Доделување на наградите на конкурсот „Хуманоста во заштита на човековото добро и достоинство“

– Изложбата „Мал формат“ на ДЛУМ ќе биде поставена во Куќата на Робевци

– Претставата „Аналфабет” на 3-ти јуни повторно пред охриѓани

– На денешен ден е роден Коста Абраш