Охрид, 24. април 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 24.04.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress
инфо: 24.04.2017 година
– Здружението „ЕДЕН“ ги презентираше извештаите од последната посета на претставници на УНЕСКО во Охрид и анализите од анкетите со граѓани и еко – здруженија
– „Чист Охрид“ апелираат надлежните да ги мобилизираат своите капацитети за отстранување на отпадот од површината на Националниот парк Галичица
– Најавена повторна стручна расправа за измени и дополнувања на Генерален урбанистички план за град Охрид
– Најавен информативен настан за работни односи и колективни договори
– Се одбележува годишнина од смртта на Христо Узунов, кој загина на денешен ден во 1905 година, кичевското село Цер
– Од утре во Охрид ќе се собираат потписи за иницијативата за промени во законите за лицата со посебни потреби
– Сребрени и бронзени медали за Карате Доџо „Самурај” – Охрид на 47-то Државно првенство
– Четкар на 6 мај ќе настапи во Њујоршкиот клуб „Би Би Кинг Блуз Клуб“
– Dante Klein и Kill the Buzz ќе настапуваат на фестивалот Ohrid Calling 2017
– Музичкиот состав String Forces на 29 април ќе одржат охридска промоција на новиот албум
