Охрид, 06. април 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 06.04.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)
инфо: 06.04.2017 година
– Светлана Вељаноска и Ирма Гогова – финалистки на талент шоуто Ohrid SUPERSTAR, денес гостуваа во Супер радио
– Во Охрид прекин на вода од 5 часот наутро до 17 часот, се врши репарација и измивање на водоводниот систем
– Тур-операторот „ТУИ-Холандија“ оваа година ќе воведе уште еден чартер лет до Охрид, беше потврдено на отворањето на Саемот за туризам на Скопски саем
– Според податоците на ТАВ Македонија, бројот на патници превезени од двата аеродроми, „Александар Велики“ Скопје и „Свети Апостол Павле“ Охрид, во првите два месеца од годинава е зголемен за 9 проценти
– Црвен крст Охрид во рамките на програмата Проект за хумани вредности, најави организирање на хуманитарен концерт за самохрана мајка од Охрид со две мали деца
– Работилниците за модерни наставници во Охрид побудуваат голем интерес, а примената на знаењата е значајна за образованието, веели Ранко Раткушиноски, сопственик и психолог во психолошкиот центар „Солушнс“
– НУ Завод и Музеј во трка за наградата „Жива“
– Националната установа Библиотека „Григор Прличев“ Охрид, ги поканува посетителите утре на настан за историјатот на украсување и бојадисување на Велигденски јајца во Русија
– Се организира кастинг за статисти за новиот филм „Дедо и внук“ на Илија Пиперковски
– Сојузот за училишен спорт организираше турнир во баскет за основните училишта
