Охрид, 13. мај 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 13.05.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress

инфо: 13. 05.2017 година

– Се одржа Прво Годишно собрание на Сојузот на акцијаши и волонтери, претседателот на „Брег на младоста“, Зоран Стевоски препорачува: Сите генерации треба постојано да учат што е тоа солидарност

– Студенти од ФТУ постигнаа значајни успеси на  Туризмијадата во Будва

– Се е подготвено за утрешната Вело – тура околу Охридското Езеро

– Основното училиште  „Св. Климент Охридски“ одржа настан под мото „Приказна за моето училиште“

– Шаховска олимпијада за слепи ќе се одржи во Охрид

– Вечерва ќе се прикажува нова епизода од „Импровокација“