Охрид, 14. август 2017 (ОХРИДПРЕС) – OhridPress го спроведува проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 14. август 2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress

инфо: 14.08.2017 година

– По еден ден „есен“, летото се враќа во Охрид, температурите во пораст, денес до 27. степени

– Разрешени претседателот и член на УО на фестивалот „Охридско лето“

– Супер радио спроведува анкета за популарноста на потенцијалните кандидати во пресрет на локалните избори

– Почнуваат Богородичните пости

– Стартуваат уписите на факултетите

– Богослужба и литургија по повод празникот Свети Стефан

– Славко Упевче е нов претседател на Завод и Музеј од Охрид

– Помалку се гради, во јуни во Охрид биле издадени само две одобренија за градба