Охрид, 3. февруари 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 03.02.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 03.02.2017 година

– Еко-свест бара нови опции во енергетскиот систем, ЕЛЕМ уверува дека нема неконтролирано испуштање на вода од Охридското Езеро

– За жал шланинарот Мишко Танески не успеа да се искачи на највисокиот врв во Јужна Америка

– Заврши екстерното тестирање за матурантите

– Поштенска марка со мотиви од Охрид и Санкт Петербург

– Основното училиште „Григор Прличев“ од Охрид, ги започнува активностите за патрониот празник

– Во Охрид регистрирани најмногу случаи на заболени од грип

– Со промоција на поемата „Екот на вековите“ на Мирко Томовски започнаа Прличевите чествувања

– Дванаесет годишно момче се бори за живот откако вчера било пронајдено во бесознание на патот Охрид – Ресен  кај депонијата Буково

– Граѓаните реагираат на хигиената во градот – Охрид, Охрид убав мил, ти за нас депонија си бил