Охрид, 30. март 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.

– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.

Охрид во 10 на 30.03.2017 година

Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)

инфо: 30.03.2017 година

– Здружението на судска администрација на Република Македонија ќе го бојкотираат Денот на Македонското правосудство

– Здравствениот и верски туризам се неискористени потенцијали за Охрид

– Дебарско – кичевската епархија ги повикува верниците утре на мало повечерие со Акатист на Пресвета Богородица, последен во Великиот пост

– Истекува рокот за доставување податоци на правните лица регистрирани за трговија со земјоделски производи

– Анастасија Чутрова – ученичка во ОУТУ „Ванчо Питошески“ освои сребрен и бронзен медал на Меѓународен натпревар за десерти

– Во Скопје вечерва ќе биде отворена изложба посветена на архитектурата на охриѓанецот Борис Чипан