Охрид, 13. април 2017 (ОХРИДПРЕС) – OhridPress го започна проектот „Охрид во 10“, во рамките на кој Ви нуди дневна фотографија од Охрид снимена од една точка, која го прикажува во неговата комплетна раскош и убавина.
– Идејата е да го видиме Охрид од една точка на сонце, снег, дожд, по убаво и по лошо време, како потврда за неговата безвременска убавина. Одбравме една точка која е исклучително препознатлива и го прикажува токму онаков каков што е – древен и прекрасен, но во исто време град во кој живеат луѓе кои се нераскинлив дел од светот и модерниот начин на живот. Исто така ќе се регистрираат и најважните настани кои го одбележале секој ден и ќе биде како еден календар на живеењето на градот во 2017-та година. Сакаме на крајот сетоа тоа да го издадеме и во групна – принтана форма, но за тоа на крајот на следната година, велат од Супер радио, кои се носители на проектот.
Охрид во 10 на 13.04.2017 година
Проектот „Охрид во 10“, покрај на Facebook, веќе доби и сопствена веб страна, а фотографиите секој ден ќе бидат објавувани и на информативниот портал OhridPress. (Крај)
инфо: 13.04.2017 година
– Вечерва на О2 телевизија финалето на Ohrid SUPERSTAR
– Православните верници го одбележуваат Велики Вторник, според традицијата, утрово се бојадисуваа првите црвени јајца за Велигден
– Грчки и бугарски туристи го исполнија Охрид
– ХОТАМ: Се очекува успешна летна туристичка сезона и покрај мигрантската и политичката криза
– Директорката на Завод и Музеј, Тања Паскали – Бунташеска информираше дека претставниците од УНЕСКО извршиле увид во нивното континуирано работење и тековните проекти
– Претставници на Меѓународната унија за конзервација на природата велат дека целта на посетата во Охрид е да се видат напорите во заштитата на наследството и спроведувањето на забелешките од УНЕСКО
– Продолжува акцијата на Sport Vision за потрошувачите во Трговско забавниот центар „KAM Village“
– ФТУ Охрид: Секогаш се става акцент на квалитетната и редовна пракса за студентите, деновиве на факултетот се вршеше распоредување на студентите од сите години за посета на практична работа во текот на летните месеци
– Отворен хуманитарен саем во пресрет на Велигден
– Во февруари годинава имало зголемување на бројот на туристи во однос на истиот период минатата година, објави Државниот завод за статистика
– Исчезна 28 годишна охриѓанка
– Охриѓанец и покрај судската забрана продолжил да ја малтретира својата мајка
