На вонредна седница, Советот на Општина Охрид ќе одобри средства за помош на настраданите во земјотресот во Турција и Сирија

Охрид, 7. февруари 2023 (ОХРИДПРЕС) – Врз основа на член 40 од Законот за локалната самоуправа („Сл.весник на РМ“ бр.5/2002) и член 26 од Статутот на Општина Охрид („Сл. гласник на Општина Охрид“ бр.8/2007), претседателот на Советот донесе решение за свикување на 23. вонредна седница на Советот на Општина Охрид.

Седницата ќе се одржи денеска напладне со само една точка на Дневен ред – Предлог-Заклучок за одобрување финансиска помош за настраданите од земјотресот на 6-ти февруари 2023 година во Република Турција и Република Сирија.

Бројот на загинати во двата разорни земјотреси што вчера ги погодија јужна Турција и северозападна Сирија се искачи на повеќе од 5.000, а десетици илјади се повредени. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука