SUPER Fresh music: The Rolling Stones feat Lady Gaga & Stevie Wonder – Sweet Sounds of Heaven

Охрид, 6. октомври 2023 (ОХРИДПРЕС) – Откако со синглот „Angry“ го најавија враќањето, The Rolling Stones или старите мајстори Mick, Keith и Ronnie на публиката и’ ја подаруваат песната „Sweet Sounds of Heaven“, заедно со поп дивата Lady Gaga и легендарниот Stevie Wonder.

Вториот сингл од претстојниот албум „Hackney Diamonds“ содржи мелодија инспирирана од евангелието, следејќи ја традицијата на антологиските хитови „You Can’t Always Get What You Want“ и „Shine A Light“.

Текстот го потпишуваат Mick Jagger и Keith Richards, а на песната посебен шмек и’ дава Stevie Wonder со виртуозната изведба на пијано во комбинација со моќниот вокал на Lady Gaga.

Албумот „Hackney Diamonds“, кој е продуциран од добитникот на Grammy Andrew Watt, доаѓа по 18 години од претходниот „A Bigger Bang“ и носи 12 сосема нови нумери. Посебно внимание кај публиката привлече и синглот „Bite My Head Off“, на кој им се придружува и легендарниот Paul McCartney.

Она што е сосема јасно е дека The Rolling Stones сè уште ја имаат онаа неверојатната моќ да ја воодушеват публиката како кога за прв пат се појавија на музичката сцена пред речиси 60 години.

Апсолутно најдобриот музички избор го имате секојдневно, 24 часа на Број 1 медиумот во регионот, охридското Супер радио. Уживајте во музичкиот избор на еден од нашите дигитални канали – Happy radio: Cafe, Greatest Hits, Top 40 Hits, Македонски хитови, Ex Yu, Dance, Hip Hop, Balkan Mix, Lounge, Мак Класик, Love Songs и Smooth Jazz. Ако музиката е одговорот, прашањето е: Што ќе слушаме денес? Се’ што сакам да слушам на едно место – Клик PLAY и УЖИВАЈ! (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука