„Контрола“, нов сингл за талентираната Јана Спирковска

Охрид, 12. јануари 2024 (ОХРИДПРЕС) – Таа е талентирана поп пејачка од Скопје, се вика Јана Спирковска и има 21 година.

Вели дека нејзината љубов кон музиката датира уште на најрана возраст, а денеска често настапува со нејзиниот бенд во најпознатите локали во главниот град и низ државата.

Во 2022 година таа настапи и на фестивалот „Макфест“ со песната „Дел од себе“, за што вели дека за неа е еден од најдрагите музички настани. Деновиве е повторно актуелна со новата песна наречена „Контрола“, модерен сингл прилагоден за новото време и музички навики на публиката.

Музиката е на Наташа Миха и Дамир Пух, кој се погрижи и за аранжманот, а текстот е на Миха. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука