Здравје: Кога е најдобро време од денот за вежбање?

Охрид, 22. септември 2024 (ОХРИДПРЕС) – Се обидувате да се храните здраво, да ја пиете препорачаната количина на вода и да не ги пропуштате тренинзите, но можеби не обрнувате внимание на една работа – во кој период на денот е најдобро да вежбате за полесно да ја постигнете посакуваната цел.

– Идеалното време за вежбање е она кое најдобро функционира за секој поединец, кога се земаат во предвид нашите нивоа на енергија, мотивација, начин на живот и распоред, вели тренерот Melissa Kendte.

Сличен став имаат и од Американската фондација за срце. Испитувањата спроведени во 2023 година не најдоа докази за или против аргументите дека едно време од денот е покорисно од друго за вежбање. Сепак, истражувачите укажаа на податоци кои сугерираат дека нашите тела достигнуваат врвни перформанси во текот на попладневните часови, во периодот помеѓу 14:00 и 18:00 часот.

– Температурата на телото варира во текот на денот и е највисока токму во овој период од четири часа. Се верува дека тренинзите се најефективни во овој период од денот. Некои луѓе се чувствуваат посилни и поенергични наутро, додека на други им е полесно да вежбаат подоцна во текот на денот. Искрено, придобивките од физичката активност зависат од тоа колку сте доследни, забележува Kendte.

Утринското вежбање може да биде корисно за луѓето кои активно се обидуваат да изгубат на тежина. Вежбањето наутро може да го забрза вашиот метаболизам и да направи поголема веројатност да се вклучите во активности во текот на денот. Исто така, утринскиот тренинг значи подобра концентрација, фокусираност и издржливост.

Сепак, температурата на телото е највисока во вечерните часови, што може да доведе до најдобри резултати. Друга предност е продолженото време на реакција. Бидејќи нашиот крвен притисок и отчукувањата на срцето се најниски подоцна во текот на денот, попладневниот или вечерниот тренинг може да значи намален ризик од повреди. (Крај)

извор: index.hr фото: index.hr

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука