В понеделник ќе се одржи 10-та седница на општинскиот совет

Охрид, 12. април 2022 (ОХРИДПРЕС) – За в понеделник, 18-ти април од 09:00 часот е свикана десеттата седница на Советот на општина Охрид.

Со дневниот ред се опфатени 24 точки, а седницата ќе започне со советнички прашања.

Меѓу другото советниците ќе расправаат и за предлог-програмата за спроведување на општи мерки за заштита на населението од заразни болести за 2022 година, за изменување и дополнување на одлуката за авто такси превоз на патници во општина Охрид и донесување правилник за субвенционирање на линиски превоз на патници, кој заеднички го организираат општина Охрид и општина Дебрца.

Пред советниците е и предлог-одлуката за примање на донација од Државна Видеолотарија-Касинос Аустриа ДОО Скопје во уредување-реконструкција на мултифункционален терен за ракомет, фудбал и кошарка во општина Охрид.

По завршување на 10-та седница, ќе следи продолжението на 8-та седница од 10-ти февруари што беше прекината поради технички проблеми. (Крај)

извор: ОхридПрес фото: ОхридПрес

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука