Утре Отворен ден на УИНТ „Св. Апостол Павле“
Охрид, 11. декември 2022 (ОХРИДПРЕС) – Универзитетот за информатички науки и технологии „Св. Апостол Павле“ во рамките на своите промотивни активности организира Отворен ден утре, понедeлник, 12-ти декември 2022 година, во периодот од 11:00 до 13:00 часот.
Отворениот ден на Универзитетот се организира со цел да бидат презентирани тековните студиски програми и можностите за професионален развој на идните студентите. Се покануваат матурантите и нивните родители да ги запознаат одблиску професорите, да ги слушнат искуствата на студентите, да се информираат за можностите за студирање, меѓународна размена, практиканството и кариера во IT секторот.
– Заинтересираните лица ќе може да посетат дел од наставата што се одржува со физичко присуство на Универзитетот и поблиску да се запознаат со видот и начинот на предавањата на УИНТ, информираат од Универзитетот за информатички науки и технологии „Св. Апостол Павле“. (Крај)
извор: ОхридПрес фото: архива
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
