„Love To Love You“, документарен филм на HBO за легендарната Donna Summer

Охрид, 2. март 2023 (ОХРИДПРЕС) – „Love To Love You“ е името на новиот документарец на HBO кој го следи животот на Donna Summer, режиран од добитникот на Oscar и Emmy, Roger Ross Williams и ќерката на Donna Summer, Brooklyn Sudano.

Во филмот се објавени домашни снимки и досега необјавени видеа, а HBO го опишува документарецот како „длабоко личен портрет на Donna Summer на и надвор од сцената“.

Позната како „диско кралица“, Donna Summer ја започна својата кариера во Минхен во блуз бенд пред да го запознае својот сопруг, италијанскот продуцент и композитор Giorgio Moroder. Со него таа ги објави најголемите хитови како „I Feel Love“, „Hot Stuff“, „Last Dance“ и култната песна по која документарниот филм го доби името „Love to Love You Baby“.

Документарниот филм ќе може да се гледа на HBO и HBO Max веќе од мај, а премиерно ќе биде прикажан на Меѓународниот филмски фестивал во Берлин во март оваа година. (Крај)

извор: ОхридПрес фото: архива

@OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука