Се зборува на Facebook: Миланка Новеска-Gustavsson, од „чудо од дете“ со ангелски глас до вистинска оперска дива
Охрид, 22. септември 2024 (ОХРИДПРЕС) – Интервјуто на Супер радио и OhridPress со Охриѓанката Миланка Новеска-Gustavsson која сигурно го изоди патот од некогашното „чудо од дете“ со ангелски глас, до вистинска оперска дива е помеѓу најкоментираните деновиве на Facebook профилот на OhridPress.
– Стипендиите на најпрестижната фондација S:t Johanneslogen S:t Erik и кралската стипендија Drottningholmsteaterns Vänner за 2024 година, која ја доделува шведската кралица се неверојатна чест за мене и ми овозможија навистина голема можност за развој. Без разлика дали се работи за солистички проект, работа со радио хоровите, приватни ансамбли, приватни проекти или корпоративни прослави, сето тоа ми носи многу задоволство и неизмерна среќа, вели Новеска во интервју за Супер радио и OhridPress.
Открива и дека духовната сила и спокој ги црпи и од древните мудрости на карате тренинзите и дека добрата храна и патувањата многу и’ значат.
Читателите на OhridPress со максимална и безрезервна поддршка за Новеска, за која велат дека е гордост на градот и дека треба соодветно да се поддржи. Дел потенцираат дека квалитетот секогаш се цени и дека пред неа се уште поголеми успеси. Во 2013 година нејзиниот Охрид и’ ја додели Повелбата „Свети Климент Охридски“. (Крај)
извор: ОхридПрес фото: ОхридПрес
| @OhridPress - Преземањето на оваа содржина или на делови од неа без непосреден договор со редакцијата на OhridPress значи дека се согласувате со условите за преземање, кои се објавени тука |
